Your cart is empty 
Inspektori Xamanji nis që të hetojë për identifikimin e njeriut që duket se është përgjegjësi direkt i vrasjeve të lidhura me Shoqatën Atropos dhe ndodhitë e tjera që lidhen me kriminelin Daniele Santopietro, ndërkohë që një komshie e tij i kërkon një favor: të shkojë në shtëpinë e nipit emiplegjik, që s'ka pak që është gjetur i vdekur, për t'u përpjekur të kuptojë se çfarë mund të ketë ndodhur. Kështu inspektori i ndërpret kërkimet që kishte ndërmarrë për të përmbushur kështu kërkesën e bërë nga mikesha e tij. Fillimisht mendohet që vdekja e djalit emiplegjik është si pasojë e një grindjeje me një të huaj, por hetimet shpejt mbërrijnë në një rreth vicioz. Pse ka vdekur djaloshi? Për të ardhur tek zgjidhja e enigmës, inspektorit Xamanji dhe njerëzve të tij u duhet të kthehen mbrapa në kohë, edhe nëpërmjet shfletimit të diçkaje të pamendueshme, në një thriller me këndvështrime psikologjike që do ta mbajë lexuesin nën tension deri te faqja e fundit e librit.
Federico Betti lindi në Bolonjë më 10 maj 1978 dhe, si adoleshent, zhvilloi një pasion për leximin, duke preferuar trillerat dhe horrorin.
Në vitin 2004, ai u diplomua në Kimi Industriale nga Universiteti i Bolonjës dhe aktualisht punon si kimist në një fabrikë në periferi të Bolonjës.
Që nga lindja, ai ka jetuar në San Lazzaro di Savena, në provincën e Bolonjës, dhe në moshën 17 vjeç, vendosi të shkruante romanin e tij të parë, i cili u botua në vitin 2011.
Përveç leximit, ai ka edhe interesa të tjera si muzikologjia, udhëtimet, gastronomia dhe kultura në të gjitha format e saj.
Sneak Preview
