Your cart is empty 
கடலுக்குள் நகரம் அமைத்து, வாழ்ந்து கொண்டிருக்கும் கடற்கன்னிகளில் ஒருத்திக்கும், கடலோரம் வீடு அமைத்து, வாழ்ந்து கொண்டிருக்கும் மனிதர்களில் ஒருவனுக்குமான காதல் கதை இது. ஒரு உலகமாயினும் வேறு, வேறு உலகத்தில் வாழ்கின்ற இருவரின் காதல், ஜெயித்ததா..? தோற்றதா..? கதையின் கரு, காதலாக இருந்தாலும், இக்கதையில் காதலை சுற்றி, நிறைய பயணங்கள் இருக்கின்றன. இந்த உலகில் ஒவ்வொருத்தரும், ஒவ்வொருவரின் வாழ்க்கை நிகழ்வை மாற்ற, ஒரு நொடியாவது ஏதோ ஒன்று செய்து இருப்பார்கள். அனைவராலயே, அனைவரின் வாழ்க்கை அமைகிறது. அனைவரும் அனைவரின் வாழ்க்கையில் அளித்த பங்கையே இக்கதையில் நான் சொல்ல முற்பட்டு இருக்கிறேன். கடல் ஓவியமே என்னும் கடல் நீள கதையின் அறிமுகமே இப்புத்தகம்.
சிறு வயது முதலே, எனக்கு பிடிக்காத சூழ்நிலையே எ(ன்)னை பின்பற்றி வந்தன. அதை மாற்ற முடியாத கோழையான நான், அதை மாற்றி அமைத்தேன்; என் கற்பனையில். பிடித்தவைகளை ஒவ்வொன்றாய் வகைப்படுத்தி, பிடித்தவாறு உலகங்களை உருவாக்கினேன்; உள் மனதில். எதிர்காலத்திலே புரிந்து கொண்டேன்; எழுதியதும், இயக்கியதும் நான் தானே என்று, இனி எழுதாலாம் இவ்வுலகத்தில் என்று. எழுதுகிறேன் இன்று. உள்ளத்தில் உருவாக்கிய ஓராயிர உலகத்தில் ஓர் உலகம் இது(இக்கதை).
Sneak Preview
